Wae wurd/waere òzze opvolger(s)?!🧐

’T nuuje vastelaovessezoen van de Reube is weer begos! Dat beteikent dat veer de jonges én maedjes, die dit jaor in groep 7 zitte, oet wille nuëdige om zich aan te mèlje ès kandidaat Jeugprins of Jeugprinses veur ’t kòmmende sezoen!

’T Jeugprinsepaar wurd door òs Prinsecommissie gekaoze oet de kandidate die zich aanmèlje. Dit gebeurt uiteraard in ’t deepste geheim en in euverlègk mit de auwers. Oetreuping zal dit jaor plaatsvènje op zunjig 11 jannewarie 2026.

👉🏼AANMÈLJE
Om aan te gaeve das doe dé Prins(es) bès die veer zeuke kense ein formulierke mit dao op diene naam, adres, telefoonnummer en e-mail adres (+ de hèndjteikening van auwer/verzörger) inlevere bie ozze sikkertaris (Kempeaweg 60 )

Godwèt regeers doe kòmmend jaor waal mit òzze scepter euver ’t Jeugriek van de Reube! 🥳

ALAAF! 💚💜🤍