Wat maoge veer mit zien alle trökkieke op ein geweldig sjoàn Jubilejumsezoen! Ondanks dat ’t ein langk sezoen woor, is ’t wat os betruf werkelik veurbie gevlaoge.

Weer zeen super gruëtsj op òs geweldige Prinsepare! Wat höbbe zie ’t ganse sezoen gesjtraold en werkelik alles gegaeve!

Weer bedanke alle sjponsore, leeje, vriewilligers mer veural ál die waanzinnige Reube & Reubinnekes & anger vastelaovesgekke die de waeg nao ’t Reuberiek wiste te vènje. V’r höbbe d’r same ein geweldig sjoàn sezoen van gemaak, dao maoge v’r nog lang mit veul plezeer aan trök dènke. De kommende daag zölle de foto’s die òs vastelaoveshart Wil Smeets haet gemaak op de site waere gezat en kènt d’r heerlik naogenaote waere van al dat sjoàns.

Venaovend zölle veer ter aafsjloeting same mit de Zawpense ’t èsjkruuske haole (de mès is om 19.15 in de kirk van Beeg). Aansjloetend gaon veer nao de Reubetempel veur ’t tradiesjonele hiaeringbiete. Aug hiejveur zeet geer natuurlik van harte oetgenuëdigd om aan te sjleete!

Leef luuj: vastelaovend höb v’r aug dit jaor weer same gevierd! Dank daoveur!