De Reube Obbeeg; Jeugdprins Xavi I en jeugdprinses Saar

Op zaoterdig 18 jannuwarie zeen Xavi I (Conjour) en Saar (Paland) oetgeroope tot jeugprinsepaar van De Reube.

Obbeeg haet talent leverde ein fantastiese show woobie de Obbeegse jeug zich in de kieker zong en danste.

Jeugdprins Xavi I geit elke daag mit veul plezeer nao de Parksjoal in Lömmerich, woo hae in SO 7 zit. Hae zjwump bie Neptunus in Bor en hae sjpeelt gaer boete. Zien kolleksie auto’s gaon regemaotig door zien zelfgemaakte wèssjtraot. Vastelaoves-meziek loestert hae ’t ganse jaor door! En d’r wurd gein  Vastelaovesaktiviteit in Obbeeg euvergesjlage.

Jeugprinses Saar zit in groep 7 van BS De Kingbaek. Ein groat deil van heure vrieje tied is zie te vènje in de turnhal van Swentibold, woo zie op hoag nivo turnt en deil oetmaak van de damesseleksie. Daonaeve is zie al 4 jaor dansmarieke bie De Reube.

Veer zeen d’r van euvertuug dat deze twae kanjers dit sezoen de Obbeegse jeug op ein waardige meneer zulle veurgaon!