De Reube Obbeeg

Op zaoterdigaovend 7 jannewarie waore der 11 prins-kandidate prèzent in de Hermeniezaal; Wae van hun zou de nuuje prins(es) waere van De Reube? Nao ein sjpannende aafvalrees is Guido van de Sluijs oetgeroope tot prins.

Prins Guido I geit same mit zien prinses Tamara dit jaor veurop in ‘t Reuberiek. Ze woone in de Koosjtraot en höbbe same 2 zeuns; Sem en Tygo. Ozze prins is oorsjprònkellik ‘eine Bessemebènjer’ en Tamara is ein ech ‘Reubinneke’.
Prins Guido I is eigenaer van beveiligingsbedrief TySec. Same zeen ze bie de vastelaovesvrunjegroep ‘Jieep Alaaf’ (= Jeuk is erger es pien), waomit zie al jaore de Obbeegse Vastelaovend viere en natuurlik auch prèzent zeen in de optoch.
Prinses Tamara wirk es verpleegkundige op de verloskamer in t ziekenhoes in Haerle (Heerlen). Daonaeve wènjelt ze gaer mit de hunj en blif ze fit door regelmaotig te sjporte.

Volgend wiekent wurd bekend wae veurop zal gaon bie de jeug en de seniore. Hauwt ozze website en facebookpagina dus in de gate!