De Reube Obbeeg; Seniorenprins Harry I en Seniorenprinses Richarda

Op de seniorenzitting op zunjig 14 jannuwarie höbbe veer aafsjied genòmme van os Senioreprinsepaar Jos I en Anita.

Tiedes deze gezèllige middig is Senioreprins Harry I en Senioreprinses Richarda (Canton) oetgeroope tot nuuj Senioreprinsepaar 2024 van De Reube.

Harry, oorsjprònkelik oet Zitterd, is alweer miaer dan 50 jaor getrouwd mit ’t Obbeegsmaedje Richarda. Zie höbbe 2 kènjer en 4 kleinkènjer. Harry waor o.a. aktief es terreinknech bie de voetbalklub. Momenteel verrich hae kleine wirkzaamhede bie de sjötterie en is hae auch aaf en toe omreuper bie ’t kiene van de ouderevereiniging. Daonaeve bak hae gaer kup-kakes en de lekkerste frit van Obbeeg, zoawie d’r zelf zaet.
Prinses Richarda zörg veur alle hoedhoudelikke take. En geit zie waekeliks kiene en gymme.

Ein geweldig Seniorenpaar in het Reuberiek!